Phò Thian-lô-tē-bóng Hô͘-sîn Báng-á Tāi-chiàn Koa Siōng-pún

破天羅地網陣胡蠅蠓仔大戰歌 上本　捷發漢書部發行 1935年

目錄

1. #1
2. #2
3. #3

#1

Kò-jîn khah kah-ì Lī Liú-sian kap Tân Tat ê chok-phín. Bûn-jī chok-phín seng mài kóng, in ê siaⁿ-sau sī góa siōng him-sióng só͘-chai. Lī Liú-sian ū chhiùⁿ Chhiⁿ-tek-si kî-àn (Bûn-ha̍k-koán chhut-pán, Siú-to͘ Si-pò mā ū khan, Youtube chhōe bô, ài bé), Khoàn-sè-koa kap Si̍p-tiān giâm-kun.

個人khah kah-ì呂柳仙kap陳達ê作品。文字作品先mài講，in ê聲sau是我siong欣賞所在。呂柳仙有唱青竹絲奇案(文學館出版，首都詩報mā有刊，youtube chhōe無，ài買)，勸世歌kap十殿閣君。

#2

Bóe--á 2 siú Youtube lóng ū, mā chē-chē lâng hoan-chhiùⁿ, chóng-sī bô hit lō kang-ô͘-bī. Khoàn-sè-koa kap Si̍p-tiān giâm-kun chhiùⁿ-hoat khah ū kui-chek, bô chhiūⁿ Chhiⁿ-tek-si miā-àn tn̂g-té-kù piàn-hòa, koh sī kò͘-sū-sèng liām-chhiùⁿ, chesī siá-chok ê būn-tê, mā-sī hián chhut Lī Liú-sian ê kong-le̍k.

尾--a 2首youtube lóng有，mā chē-chē人翻唱，總是無hit-lō江湖味。勸世歌kap十殿閣君唱法khah有規則，無像青竹絲奇案長短句變化，koh是故事性唸唱，che是寫作ê問題，mā是顯出呂柳仙ê功力。

#3

Chit tiám tī Iûⁿ Siù-kheng lâi khòaⁿ mā khòaⁿ ē--chhut-lâi, tī chi̍t siú(ChiuSêng kòe Tâi-oân?), bô hó kí-lē, chiām-sî àn-hā. Chóng--sī, Iûⁿ sian 1 lâng hun 3, 4 ê kak-sè sī chió-chió-lâng chò ē kàu, liām-koa-sian siōng koân ê kéng-kài.

Chit點佇楊秀卿來看mā看ē出來，佇一首(周成過台灣？)，無好舉例，暫時按下。總--是，楊sian 1人分3、4 ê角勢是少少人做ē kàu，唸歌仙siōng koân ê境界。